💡 7 ყველაზე გავრცელებული და ამავდროულად საზიანო კარიერული რჩევა

კარიერული რჩევები ყველგან გვესმის მეგობრებისგან, მშობლებისგან, სოციალური მედიის პოსტებიდან, თუ წარმატებული ადამიანების გამოსვლებიდან. თუმცა ზოგიერთი რჩევა, რომელიც თავდაპირველად გონივრულად ჟღერს, შესაძლოა რეალურად საზიანო აღმოჩნდეს.

გაეცანით 7 ყველაზე გავრცელებულ, მაგრამ პოტენციურად დამაზიანებელ კარიერულ რჩევას, რომელთა მიმართ სიფრთხილე გმართებთ:

1. „გააკეთე რაც გიყვარს და წარმატებაც ავტომატურად მოვა“

მართალია, საყვარელი საქმის კეთება შთამაგონებელია, მაგრამ რეალობა უფრო კომპლექსურია. საყვარელი საქმიანობა ყოველთვის არ უზრუნველყოფს სტაბილურ შემოსავალს, კარიერულ ზრდას ან ბაზარზე მოთხოვნას. მნიშვნელოვანია ბაზრის გათვალისწინება, სტრატეგიული აზროვნება და ფინანსური მიზნების სწორად დაგეგმვა.

🔎 სწორი ალტერნატივა: იპოვე ბალანსი მოძებნე სფერო, რომელიც გიყვარს, მაგრამ ამავდროულად აქვს პერსპექტივა და მოითხოვს უნარებს, რომელთა განვითარებაც შეგიძლია.

2. „თუ სამსახური არ მოგწონს, უბრალოდ მოითმინე, მერე უკეთესი იქნება“

უსიამოვნო გარემოში გატარებული წლები, რომელიც ვერ გაძლევს განვითარებას და ღირებულებას, არა მხოლოდ კარიერულად გაჩერებს, არამედ ემოციურადაც გტვირთავს. მოთმინება კარგი თვისებაა, მაგრამ არასდროს უნდა გახდეს მიზეზი,  შენთვის საზიანო მდგომარეობის ცვლილებაზე უარის თქმის.

🔎 სწორი ალტერნატივა: თუ სამუშაო გარემო ან პოზიცია აღარ გაკმაყოფილებს, გადახედე შესაძლებლობებს. ცვლილება სიძლიერის ნიშანია და არა მერყეობის.

3. „ნუ შეიცვლი სამსახურს ხშირად, ცუდად გამოიყურება“

თანამედროვე კარიერული დინამიკა განსხვავდება წარსულისგან. ხშირად, პროფესიული ზრდა და გამოცდილების შეძენა სხვადასხვა გარემოში უფრო ღირებულია, ვიდრე ერთ კომპანიაში 10 წლიანი “შენელებული” ყოფნა.

🔎 სწორი ალტერნატივა: პოზიციების შეცვლა, თუ ის გააზრებულად და პროგრესულად ხდება, დადებითი სიგნალია და არა უარყოფითი.

4. „დამწყები ხარ? უფასოდ იმუშავე, რომ გამოცდილება დააგროვო“

უფასო შრომა ხშირად არასწორი სისტემის ნაწილია და არ ნიშნავს, რომ შენს ცოდნას არ აქვს ღირებულება. სტაჟირება ან სწავლა შეიძლება გარკვეულ ეტაპზე გამართლებული იყოს, მაგრამ მუდმივად უანგარო შრომა არასწორია.

🔎 სწორი ალტერნატივა: აირჩიე ისეთი გამოცდილება, რომელიც აშკარად გაძლევს ზრდის შესაძლებლობას და მომავალ კარიერულ ნაბიჯზე ექნება გავლენა. ყველა შრომას უნდა ჰქონდეს ანაზღაურება, თუნდაც არა ფინანსური.

5. „რაც არ უნდა მოხდეს, არასდროს თქვა „არა“ სამსახურში“

ეს რჩევა გვასწავლის უსიტყვოდ დათანხმებას, მუდმივ ხელმისაწვდომობას და ნებისმიერი დავალების უსიტყვოდ შესრულებას,  თითქოს უარის თქმა ცუდი თანამშრომლის ნიშანია. სინამდვილეში, ასეთი მიდგომა იწვევს გადაღლას, გაუბედურებას და პიროვნული საზღვრების წაშლას.

🔎 სწორი ალტერნატივა: ისწავლე თავაზიანად და არგუმენტირებულად „არა“-ს თქმა, რაც პროფესიონალიზმის ნაწილია. გონივრულად გადანაწილებული ენერგია, პრიორიტეტების დაცვა და კონსტრუქციული უარი გეხმარება სწორად მართო დრო, შეინარჩუნო ხარისხი და თავი არ ამოწურო.

6. „შენი საქმე შენს ნაცვლად ისაუბრებს“

ამ რჩევით ხშირად გულისხმობენ, რომ პროფესიონალიზმს ზედმეტი საუბარი არ სჭირდება, თუმცა თანამედროვე სამყაროში, სადაც ყველაფერი ქსელებსა და ურთიერთობებზეა დაფუძნებული, ეს მიდგომა არასაკმარისია.

🔎 სწორი ალტერნატივა: შენი ნამუშევარი ნამდვილად უნდა იყოს მაღალი ხარისხის, მაგრამ ასევე უნდა შეგეძლოს მისი ეფექტურად წარმოჩენა კოლეგებთან, ხელმძღვანელობასთან და სოციალურ ქსელებში.

7. „არ მოუსმინო სხვებს მხოლოდ შენ იცი რა გინდა“

მიუხედავად იმისა, რომ საკუთარ ინტუიცია და სურვილები მნიშვნელოვანია, გარემოსგან და გამოცდილი ადამიანებისგან რჩევის მიღება აუცილებელია. ინდივიდუალურად მიღებული გადაწყვეტილებები ხშირად ცალმხრივია.

🔎 სწორი ალტერნატივა: მოუსმინე განსხვავებულ მოსაზრებებს წარმატებული, პროფესიონალი ადამიანებისგან და მერე მიიღე დამოუკიდებელი, გააზრებული გადაწყვეტილება.

დასკვნა:

ზოგჯერ კეთილი განზრახვით მიცემული რჩევაც შეიძლება საზიანო იყოს, თუ მას ზედაპირულად მივყვებით. ნებისმიერ რჩევას კრიტიკულად შეხედე, შეაფასე შენი გარემო, შესაძლებლობები და რეალური მდგომარეობა.

გადმოწერე Awork-ის აპლიკაცია და გადახედე მიმდინარე ვაკანსიებს!